早前美國傳媒爆料，話喺倫奧贏得2金2銀1銅嘅美國泳將洛捷迪，有機會由泳池跳入公仔箱。呢件事暫時未有新進展，但係呢位28歲200米個人四式世界紀錄保持者，上周五就有新搞作。話說佢一身西裝上咗一個美國潮流節目，玩完遊戲準備完show嗰陣，主持人突然問佢西裝入面着啲咩，洛捷迪話畀觀眾知係泳褲後，仲應要求除晒成套老西，露出一身肌肉（圖），搞到身邊另一女主持勁尷尬！