藍奕邦噚日去商台宣傳新歌《為執著乾杯》，講到容祖兒同劉浩龍（師兄）喺微博轉發藍奕邦嘅歌傳情，藍奕邦話：「祖兒同師兄一直好支持我嘅歌，每次有新歌佢哋都轉發。都唔知有乜可以傳情，有好多朋友都轉發，莫非雜交咩？」藍奕邦同師兄本身好老友，問到有冇覺得老友有愛情滋潤好開心？佢維護師兄話：「平時我哋好少講呢啲，佢開心就得。」