睇完藍光《Battleship》，最終靠退役主力艦KO異形，本來得啖笑，不過玩過最新《Damage Inc.》，就知二戰老爺機都唔弱。跟Game仲有專用飛行桿，出術將對手變成慢動作，以及將敵人定位嘅7.1耳筒，索敵、殺敵更Easy！
記者：許福合
攝影：陳盛臣
模特兒：Jancy@PureModels
遙桿幫拖加減速
二次大戰的太平洋戰爭中，由珍珠港事件到硫磺島戰役，空軍都係極重要角色，而《Damage Inc.》就以此時期做背景。遊戲內有多達23項歷史性任務，內裏包含超過100個目標，而且隨住任務發展，會開放更多戰機選擇，總共有成32款二戰時期的經典名機。玩法包括潛入、偵察、向地面攻擊、護航、近距離空戰等，還可嘗試從母艦起飛降落，十足十真機師咁有排學。
同場還有《Damage Inc.》專用Pacific AV8R飛行桿，筆者用佢試玩，可直接在搖桿上開火、射火箭同炸彈，在對付戰機時，能更直覺地作出反應，加上設有慢鏡輔助功能，拉慢敵人動作後，更容易擊中敵機。搖桿上還設Turbo掣，按下後可作額外提速，與敵機追逐戰時就更有利。
7.1耳機聽開火
雖然有成23個任務，不過爆機後都唔代表畢業，還可從多人模式中作戰，可以與朋友組隊來參戰，最多4人，挑戰難度更高的任務，亦可嘗試團隊戰，而且與隊友合作相當重要，筆者就用埋最新嘅Warhead無線耳機試玩，全5.8GHz無線傳輸聲音清晰，仲可即時與朋友通話，最正係兩邊夾擊，團隊戰時直接呼救就可找隊友幫拖。就算單打，亦可憑7.1環迴聲效，聽清楚敵方喺邊度飛過或開火，不用看雷達地圖都可第一時反應！
《Damage Inc.》
機種：PS3/XB360
類型：射擊
售價：$298
查詢：Mad Catz
（2728 9988）