曼聯最近同雪佛蘭簽咗約,呢間美國汽車公司喺2014/15球季就會成為紅魔嘅球衣贊助;雪佛蘭仲好識做,立即畀曼聯球員揀靚車嚟揸。不過,出名鐵腕嘅曼聯領隊費格遜(左),為免麾下年輕球員出事,就下令隊中嘅23歲以下球員,一律唔畀揸雪佛蘭嘅跑車;亦即係話,好似21歲嘅韋碧克、20歲嘅菲爾鍾斯同22歲嘅基斯史摩寧等,就算對住雪佛蘭最出名嘅跑車Chevrolet Corvette,都要有得睇,冇得揸。