【本報訊】無綫電視大肆宣傳的一人一票選港姐，最後卻變成欽點收場。在電視前被愚弄的全港觀眾怒吼「CCTVB」假民主，要求重選。通訊事務管理局一天內共收447宗投訴，破了無綫節目最高紀錄。無綫昨聲稱投票系統被黑客入侵，會徹查事件，甚至考慮報警。演藝界人士則呼籲政府盡快發出新免費電視牌照，打破無綫霸權。
記者：麥志榮 何慧斯 王麗春
一場「假普選」鬧劇過後，無綫業務總經理鄭善強於下午聯同港姐統籌經理余詠珊，與承辦今次網上投票的微軟開發平台部總監錢展騰和Cherrypicks行政總裁趙子翹召開記者會。
之前信心爆棚保證投票系統已做足準備的余詠珊全程未有發言，鄭善強否認藉此事谷收視，並說：「經過我哋了解，發覺喺過去16小時50分，有唔尋常嘅流量，超出香港人口幾倍，懷疑有黑客入侵，所以我哋喺24小時內會招聘獨立公司，聯同技術人員作出深入調查。」
兩周內送出房車補鑊
至於原定送給投票觀眾的獎品，價值48萬元的房車，鄭善強則說：「我哋會喺兩星期內舉行一個關於港姐嘅遊戲節目，我哋會送出架車做獎品，兩日內會公佈有關詳情。」無綫外事部副總監曾醒明昨代表無綫鞠躬向全港市民道歉，但對於會否重選，他指出：「應該係冇乜可能，製作部已經好明確話，始終今次係一個選舉，唔係劇集分上下場。」
籲政府發免費電視牌
「小圈子」欽點冠軍張名雅未有理會批評，她十分風騷直認回家後睡得好好：「嗰幾個網站嘅網民未必代表所有觀眾，港姐以往都係評判選，係今年先用大膽嘅方法，要相信評判眼光。」網民心目中的冠軍，但最後只得季軍的朱千雪則表示：「自己冇唔抵。」她續稱入到三甲已好滿足，不會上訴。
張名雅的舅公、導演張堅庭則幫理不幫親，他說：「我覺得張名雅唔係好靚。」他認為公眾的心水冠軍朱千雪樣子確實較為甜美，但評判專業判斷可能與公眾品味不同。他又指出，今次事件顯示政府應盡快發出新的免費電視牌照，讓觀眾有選擇，不能一拖再拖。
破投訴欣宜之吻紀錄
通訊事務管理局昨日共收到447個投訴，投訴內容包括賽果不公、有誤導及欺騙觀眾之嫌、安排欠妥善等，打破了05年鄭欣宜扮白雪公主吻吳卓羲引起343宗投訴的紀錄。通訊局會進一步了解今次事件，然後按廣播條例及守則處理。
對於投票系統前晚突然故障，香港專業教育學院資訊及通訊科技系系主任梁秉雄指出，若有人為了捧某一位候選人，只需編寫一個簡單投票程式，就可透過電腦大量投票，每秒可投百多票，比手動投票快很多，可能因此導致投票系統不勝負荷。
另外由於投票系統無法查證投票人身份證號碼真偽，亦不排除有人貪玩，多次用假號碼投票，亦會導致系統擠塞。要杜絕這些漏洞在技術上一定做得到，但成本將會貴很多，電視台可能覺得毋須為一個選美投放如此大的資源。