雲端唔一定係高科技！意國設計名師Gaetano Pesce將「雲端」演繹為一種感受，跣水絲絨的一種輕柔、Over Size單座梳化的大度感覺，再加打破傳統完全不規則的外形，Debby試坐、瞓身睇書，感覺彷彿遇上催眠大師，瞓得死去活來！
記者：胡靜雯 攝影：蔡家輝 模特兒：Debby@Pure Models
一張凳 一嚿雲
不知大家有沒有發現，很多家具或室內設計大師，都係讀建築出身？好似擁有「意大利設計狂人」同「色彩魔術師」之稱嘅Gaetano Pesce，正好就是當中佼佼者。
呢位集藝術家、建築師、家品設計師於一身嘅國寶級設計老將，曾一口氣設計了61張紅白綠三色樹脂塑膠桌，合併成意大利地圖，以慶祝意大利獨立150周年紀念；貫徹了意大利設計嘅民族特徵同強烈個人主義。
現年73歲的他，喜歡尋找不同材料，製造很多具實驗色彩嘅家具，把藝術意境融入現實中，他曾經說過一句名句：「每個人都是獨特的，哪為甚麼我們周遭的事物都相同呢？」此句一出 ，完全表現了他的前衞與大膽風格。
好似佢新設計、剛抵港的Nubola Sofa，就係以雲作主題嘅單座梳化，充份演繹了他的純真；設計理念就係希望每個坐上去嘅人，都舒服得有如坐在雲端上。所以在外形上，Gaetano利用他一向喜愛嘅曲線同塑膠扭釘來表現雲的凹凸形態，也使用對比度較高的色系來表現時尚同現代感。唔好以為Gaetano一味靠設計，就無品質，為咗加強舒適自在嘅感覺，他特意用了具跣水特質嘅絲絨，來表現雲層嘅輕柔質感，而且仲有個附帶好處，就係倒瀉水都唔怕整濕！
記憶皺褶 人體刻錄
設計和用料都有自己一套嘅Gaetano，在Shadow系列上，用了具記憶功能嘅物料，不同人坐就會有不同嘅皺褶同變化。
硬膠框 包軟墊
無可否認，簡約格調通常都是大路穩陣嘅選擇。不過，想在簡單中凸顯設計心思，難度的確係相當高；而眾多經典品牌中，Kartell可以話既能保持設計品質，又能從穩中求變嘅代表。
創辦人Giulio Castelli不是建築師出身，而是化學家！所以Kartell自創辦以來，特別鍾愛塑膠作為設計材料。膠！在設計上無疑是擁有一種靈活嘅多樣性，加上平滑同多色嘅表面，仲帶着一份難以代替嘅時尚感。
不過，塑膠對於柔軟嘅梳化，始終係一個天敵；任憑設計幾時尚、質料再好，但坐時無咗嗰種舒適感，真係講乜都無用！為咗將塑膠打入梳化市場，Kartell跟著名設計師 Piero Lissoni合作推出Pop梳化系列；顧名思義，最緊要夠Pop！集品牌本身出色嘅塑膠製作技術，配合舒適的鵝絨及純棉製造坐墊及背墊，絕對創新又舒服！舊版以透明的聚碳酸酯製成基座，而改良版Pop Duo梳化，兩旁還追加了手枕，讓人坐落去時，彷彿被緊緊擁抱着，So Sweet、So Warm！
彈性豬腸
同是意大利設計，風格偏向簡約的Giacomino單座椅，以利落嘅線條配合聚氨酯和彈性布料，務求用家能感覺體貼嘅舒適。Giacomino -Afra e Tobia Scarpa 價錢待定/d
土炮單座 經典手工
雖然外國貨品質與設計都有保證，但土炮設計一樣有手工，更有外國貨不能給予嘅人情味！永遠經典和實用嘅方形座椅，有古典雕刻作木框架同椅腳嘅款式，也有線條簡單嘅方形坐椅，配合低扶手及厚軟墊，絕對係屋企Hea爆睇碟打機嘅必備「皇位」！
由三代經營嘅家族本土品牌Wai Kee HOME偉記家，超過60年製作小型家品的經驗，可提供訂做服務；到時想要咩款式，幾大幾小都可隨意改動呢！
a. Green Furniture（2322 1232）
b. Kartell（2810 0408）
c. 偉記家（2544 3730）
d. Designer Fabbrica（3583 1743）