最勇：史卡迪爾（利物浦）
成也史卡迪爾，敗也史卡迪爾！周日利物浦對曼城，紅軍就是靠他的頭槌先開紀錄，但因為他的自殺式回傳，泰維斯為曼城追成2:2完場。不過，利物浦領隊羅渣士賽後沒有怪責史卡迪爾，更大讚他是個勇士，「他頂入了一個漂亮的頭槌！雖然我來到紅軍的時間不長，但我知道他是個勇士。」
老老而彌堅：拉科魯尼亞
老馬有火，落後兩球都未驚過！今季重返西甲的拉科魯尼亞周日作客華倫西亞，半場落後1:3，但憑阿古拿的入波及碧斯的12碼，最終拉科以3:3逼和對手。原來在拉科陣中，仍有多位70後老將，包括37歲的中場「發電機」華拿朗、33歲的前西班牙國腳馬真拿及36歲的右閘文路爾柏保路，冇得頂！
最走得好：卡斯辛奴（國際米蘭）
意大利前鋒卡斯辛奴今夏由AC米蘭轉會國際米蘭，他在意甲開「咧」戰有個好開始，交出一個助攻，造就迪亞高米列圖（大米）入波，最後國米作客大勝升班馬佩斯卡拉3:0。卡斯辛奴賽後表示，很高興與大米及史奈達拍檔，但球隊的整體狀態還有待提升。至於他的舊球會AC就輸波，主場以0:1不敵森多利亞。
網友討論區：利物浦vs曼城
「利物浦輸呢兩球實在係太低級嘅失誤，一個大腿短距離助攻，另一個望都唔望就大腳回傳去離門30碼位。唉！呢兩個球員係咪收咗錢打假波㗎？」「曼城踢到咁都可以和到波，我都收貨嘞！文仙尼唔該唔好再玩352嘞，會嚇死人㗎！」曼聯vs富咸「尹佩斯、朗尼同香川點共存？希望費爵爺快啲諗到啦！唔知好彩定唔好彩，朗尼傷咗，暫時解決咗個問題，但長遠嚟講，呢個問題都需要解決。」資料來源：香港討論區