炒殼已炒了一段時間，殊不知到本地周刊點名評論幾隻有潛質殼股之後，市場竟然仲有反應，而且是周刊出街幾乎一星期之後，點評的安全貨倉（237）昨急升45%，博富臨置業（225）亦一度升16%，莫非讀者要消化一星期才敢買，又或者股市要一個星期後才反映？
以上兩股有其內在價值是事實，但成交量嚴重不足，因此股價大幅炒高後，若熱潮市退散，提防日後想沽也難，只能被迫做長期投資者，不過若然有心長揸收息，則不必理會每日成交數量。
昨日另一炒作焦點，是內地再放寬自由行，除深圳戶籍人士可享「一簽多行」的簽證便利，下月1日起，在深圳就業人士及學生只要符合一定條件，亦可申請「一簽多行」。首批受惠的非深圳戶籍人士多達353萬，今年底前會進一步升至逾410萬人。另外，在北京、上海、天津、重慶及廣州5個城市打工或讀書的非戶籍人士，亦可免卻回鄉申請來港旅遊簽證的限制，估計受惠人數將逾千萬。
不妨冷敲富豪產業
咁多強國人湧入，配套不足固然是問題，治安更是大問題，假如民工來港犯案後逃之夭夭，真係唔知去邊搵佢。不過無論如何，自由行大放閘對捱緊貴租的本地零售股點都有幫助，東方表行（398）都係時候大反彈。
另外，大量內地人可以多次來港，大可買樓置業不必次次住酒店，地產股其實都可受惠，酒店股未知受惠程度，保守計可以諗諗富豪產業信託（1881）當收息。
歐陽風