機師駕駛客機主宰全機乘客命運，喺培訓過程中一啲都唔鬆懈，更加會喺模擬駕駛艙實習。國泰航空早前引入兩台全套飛行模擬駕駛艙，唔好睇少呢兩部B747-8F同777-300ER嘅模擬艙，每台價值高達1.3億港元，為真實飛機訂價嘅十分之一。
模擬艙係複製真實飛機駕駛艙內嘅所有細微部份而成，可以模擬多達400種機件故障，連密雲、落雨落雪、行雷閃電，以及輪胎降落跑道同地面磨擦嘅感覺，都做到出嚟，仲有人造衞星圖像嘅影像系統㖭。機管局呢期不斷話要起第三跑道，更有機師質疑有撞大霧山嘅危險；不如機管局畀啲數據國泰，等機師用模擬艙引證一吓有冇撞山風險啦。