噚日喺倫敦街頭有兩班狗仔隊出現，追住一個好似戴安娜王妃嘅女子狂影，其實係拍緊娜奧美屈絲主演嘅戴妃傳記片《Diana》，嗰場戲係講戴妃去濕平時俾狗仔追到實，要推開班狗仔隊走人。娜奧美演到七情上面，走完一輪仲要搵專人幫佢揼骨㖭。最精彩嘅係，呢段戲搵咗好多老臨扮狗仔隊，但現場亦都有班真狗仔隊喺度追訪拍攝情況，真假狗仔堆埋一堆，都分唔開邊個真邊個假！