擔任港姐司儀的曾志偉，對於一人一票普選港姐爛尾收場，他前晚坦言：「今次機制幾好笑，可以話係科技笑話，技術人員話得，估唔到賴嘢，可能係架車嘅吸引力。」志偉強調一人一票不是不可行，但只得十分鐘投票就十分危險，他說：「如果一人一票選，未必會係張名雅攞冠軍，因為TVB評判會揀選高貴大方嘅佳麗做冠軍，張名雅就符合評判資格，評判會睇面試時個感覺，反而對我嚟講黃心穎係冷門，綵排時好多評判都覺得佢眼前一亮。」
至於余詠珊是否需引咎辭職，志偉說：「唔使，TVB家係求變階段，余詠珊係ATV出身，做乜都博，高層都會放手畀佢度嘢，因為想求變，家TVB係大開中門，好多藝人都想返嚟幫手，我對TVB有信心，TVB上下一心。」志偉認同陳國強大灑金錢搞新節目，但認為一定要上下一心，他也預測會有好多藝人回巢，加上劉德華若回巢拍劇，一定會有很多人願參演其中一角。
吸200萬觀眾
此外，昨晚港姐節目收視平均27點，觀眾逾170萬，收視比去年高三點。最高則是宣佈賽果時段，有32點，觀眾超過200萬。
採訪：王崇穎
攝影：黃曉妍