經營成本不斷上漲兼競爭不斷增加，加價談何容易；新光酒樓集團創辦人胡珠表示，現時集團純利率跌至只約3%，實際處於「剃刀邊緣」。現時香港共有萬多間中式酒樓，為搶客，行家亦出盡法寶，「38蚊一隻龍蝦，一蚊一隻雞，十分一成本價錢都冇。」除非是大時大節，平日推出優惠特價菜單是必定動作，新光集團會以當時得令的食材做特價菜式，例如荔枝價錢較平的話，就多以荔枝設計菜式；到芒果價錢平，就多以芒果做菜式，就以此來推出平價菜式。
自助火鍋可省人手
加價是否應對策略?胡珠認為，絕對不可能冇生意就要減價。為求生存，業界已經開始轉營利潤高的日式食肆，或者唔使咁多廚師的自助式火鍋。對於社會正在討論推出每日8小時的標準工時建議，他反應強烈，並預期一旦實施，對所有勞動密集行業都「死硬」！現時酒樓員工工作時間最少10個小時，有時甚至11、12個小時。香港是以服務業為主，胡珠認為，應以「工作責任制」為基準，而非「睇鐘打工」的工作時間，「唔通大節日，做做吓夠鐘就走咗去，客人擺大壽連最緊要嘅壽包都未上，或結婚連百年好合都未上，就叫啲客打包走！酒席未擺完點可以提早走！」