在人手緊張前提下，食肆服務質素如何？據記者現場直擊，平日中午食飯時間，遞紙點菜於半分鐘內便有樓面接待；舉手埋單則約兩分鐘。至於廚房出菜，就以甜品芒果布甸最快速，點菜後5分鐘則有供應；蒸點牛栢葉時間最慢，17分鐘後才送上，都是可接受水平。下午茶時段仲熱鬧過午市！一個平日的下午，位於銅鑼灣新光酒樓集團旗下的百樂門宴會廳，原本出入暢通的大堂入口位置，在挨近2時左右，開始聚集食客，人數約30人，正等候入座嘆下午茶。
最少享30%折扣
反而下午1時午飯時間，大堂入口處食客可自出自入，不用等位就可以內進午膳。新光酒樓集團創辦人胡珠指，食客專等食下午茶餐，因為現時「搵錢難咗，開支大咗」。以往下午12時左右就吃午飯，要支付正價；現在等下午茶時間，只需支付正價五至七折的價錢，便宜好多。而晚市情況亦一樣，由於晚上9時後有着數，七折至半價，大家都寧願餓多兩個鐘頭。胡珠指出，在正常午膳時間，有些食肆的座位都只是半滿座，不過，到下午茶及消夜時段，卻出現滿座情況，「家每個家庭都面對開支越來越大，喺生活開支增加咗情況下，大家都要揀啲平嘢食。」