香港有個土發英文字，叫做Camtrulia，發音係Cam-tru-lia，意思係「監粗嚟」，例如賤官吳克儉話唔上街嘅父母，就係等於支持國民教育，點知九龍西梁美芬一樣Camtrulia，竟然強迫政治中立嘅茶餐廳支持自己，但擅自將參選poster貼喺茶餐廳門口，令茶餐廳老闆嬲到喺海報隔籬貼出違規告示，高調「滅鼠」。
老闆貼違規告示抗議
九龍界限街基隆茶餐廳門口，本來一張立法會候選人海報都冇，但茶餐廳嘅曹老闆上周五卻發現，自己間餐廳門口竟然有張鼠王芬海報，最離奇係冇一個職員話，批准過鼠王芬嚟貼海報喎，搞到曹老闆相當火滾，一嚟佢唔支持鼠王芬、二嚟鼠王芬冇問過就「擅進」佢嘅茶餐廳；最弊係連茶客都好驚訝咁問：點解連鼠王芬都支持呀？
呢個問題，形同被人格謀殺，曹老闆即時貼咗張「違規告示」，話「梁美芬未經本店同意確認，張貼選舉單張（於）本店，已經投訴處理」。
八方向茶餐廳曹老闆查詢，佢話餐廳以往都會容許候選人將貼海報，但一定要問過佢先至得，仲要按法例簽埋名先得，今屆佢仲未決定支持邊個㗎，點知竟然被老鼠入侵！
按照選舉法例，如果候選人脅迫其他人支持自己，係刑事罪行，所以曹老闆好希望選舉事務處追究鼠王芬嘅惡行。八方打過比鼠王芬助手，想聽吓有咩解釋，可惜截稿前未有回覆。
mailto:[email protected]