傳媒舉辦嘅選舉論壇進行得如火如荼，候選人之間火花四濺，其中人民力量嘅黃洋達，憶述佢因為衝擊替補機制論壇被判監，喺獄中見到好多殺人犯、強姦犯，表面睇同民建聯陳鑑林之流一樣咁斯文，證明斯文都可以有敗類。佢呢番話相信亦係唔少香港人嘅心聲，希望大家喺9月9日善用手上兩票，齊齊踢走保皇黨。主打揚聲器、傳聲器及耳機等微型聲學產品嘅瑞聲科技（2018），中期盈利勁升41.4%，遠超市場預期，第二季較第一季增長近三成，毛利率繼續企穩四成樓上。瑞聲出名大客多，包括蘋果、三星同聯想（992）等，管理層透露，大熱嘅國產手機「小米」，都有幫襯瑞聲，名副其實大小通吃，隨着新款智能手機越出越密，集團接單肯定接到手軟，獲券商Rerate只係時間問題。瑞聲上周五收報24.45元，逆市照升近1%，現價年度化PE 15倍，絕對唔貴，以18倍PE作目標，股價可見29.30元，潛在升幅20%。唐牛