狼振英割地賣港，唔止村民好㷫，亦令建制派新東候選人被連累，惹來協助賣港惡名。明明內地人邊境免簽證係狼振英構思，偏偏佢又唔認，反而要由建制派孭鑊；向來追打狼振英不遺餘力嘅自由黨榮譽主席田北俊，不恥狼振英委任咗「劏房局長」之後，竟然要做埋「劏港特首」，新一張宣傳單張寫住：「CY請千萬不要做劏港特首」。唔知狼振英嘅智囊張志剛夠唔夠膽撲出嚟，澄清田少此說「唔準確」呢？