來港上演洗腦愛國騷嘅內地奧運金牌運動員，噚日終於結束訪港行程，過大海去澳門繼續表演。連日馬不停蹄嘅國家精英，當中22人仲要喺離港前去到灣仔伊館同二千名學生交流，回應大會一早安排好、由學生提出嘅「樣板」問題，例如分享經驗之類。難得泳手孫楊夠坦白，形容訪港行程「好累」；至於唔做運動員又可以做乜？早前一展歌喉大獲好評嘅佢話最想做歌星喎。八方喺現場所見，場館內有唔少空位。有觀眾話係因為學校派飛，咁咪嚟睇下囉；亦有學生話有得獎運動員出席，佢先肯入場。
