家有兩位千金嘅田北辰，竟然獲未來女婿行外父政策。話說田二少噚日62歲生日，一班街坊喺佢嘅地頭、荃灣愉景區幫佢搞生日會，點知大女同細女嘅男朋友都現身，向未來外父送上生日禮物，令田二少非常感動，表明好想阿女快啲同愛人拉埋天窗。當然，佢最大嘅生日願望應該係成功當選，但據聞趕住去拉票嘅佢，連願都唔記得許就急急腳走人，唔知會唔會有影響呢？