今次選舉嘅一人兩票，好多長者話唔識投。向來以蛇齋餅糭奪長者歡心嘅民建聯真係窩心，近日喺新東整「模擬票站」教呢班年長粉絲投票；而支持「洗腦」國民教育如期推展嘅民建聯，絕對唔係講一套做一套。有市民喺facebook舉報，民建聯趁呢次模擬投票向長者洗腦，事關有人早前行過民建聯喺沙田石門嘅模擬票站，發現成個票站，只得葛珮帆同劉江華兩個名，擔心公公婆婆入完「票站」洗腦後，肯定以為只係得佢兩個揀，質疑民建聯好誤導喎。