樓市近期係威係勢，但曾經歷過97年高峯的經紀古先生，卻未顯得十分雀躍。「當年經紀搵10萬銀一個月好平常，但家只有最Top嗰班人先做到。」
當年行家月入十萬
他坦言，現時經紀整體收入，肯定不及97年，「家有一半經紀，佣金加埋底薪都只係萬零兩萬銀，如果喺97年，肯定俾人炒咗啦。」他透露，當年有三至四成經紀，月薪都超過10萬元，「我喺96年入行，當時作為初哥，一個月都做到八宗買賣㗎。」市民97年時盲目入市，成為經紀荷包大脹的主要原因，事實上，現時成交量亦難如當年比較，「好似呢個月太古城暫時成咗50幾宗，如果係當年，已經過咗100宗，現時起碼少一半呀。」
話雖如此，由於現時經濟疲弱，雖然佣金收入大不如前，但總比其他不少行業吸引，故經紀數目依然與日俱增。