【本報訊】險成旺角花園街九死火災翻版的荔枝角道勝興樓火警，消防昨重返現場檢查，起火劏房樓層昨仍未有電力供應，有居民對劏房怕怕，即時退租搬走﹕「唔敢博啦，出咗事點算？」沒錢搬走的居民繼續冒險住下去，面對滿目瘡痍的單位更一臉無奈，只恨唯利是圖罔顧安全的劏房業主，希望當局正視問題。
「一早應該強行清拆」
一場火警揭露勝興樓與區內不少舊樓一樣，遍佈被視為火劫禍根的劏房，昨晨大批居民聚集勝興樓樓下大堂門口，話題離不開這場驚險火警及劏房問題，「唔係發生火警，都唔知樓下咁多劏房。」「屋宇署一早就應該強行清拆啦，你唔理佢，我做業主都改建劏房收多啲租。」
與起火單位為鄰的黃伯（73歲），以三千多元租住一間劏房，與新移民妻子同住﹕「諗住老婆住夠三年就可以申請公屋上樓，點知差啲連命都冇，唔敢博啦，搬去親友屋企再諗辦法。」黃伯昨與業主傾掂數，獲退回數千元，他頭也不回急急腳搬離劏房。