原來扮「富二代」呃錢，在行內並非新鮮事。資深地產代理阿Ray表示，年多前亦出現一班來自內地的「豪宅騙徒」，「佢哋睇完兩、三千萬嘅豪宅後，答應會落定，但第二日就打畀個代理，話有內地朋友醉酒鬧事被拘留，自己冇現金喺身，要求代理先借出幾萬蚊。」他指這情況已出現多次，但幸好沒有人上當。根據Eric的個案，估計騙徒熟悉地產代理的拆佣制度，很懂得捉心理。Ray提醒地產代理不要跟客人有錢銀轇轕，更加不要輕信初見面的客人，「唔好人哋話買就信，之後以為有佣收就借錢畀人，咁樣好易有損失」。而這種以租樓為名，實際是借錢的行為，梁永鏗律師稱已觸犯欺詐罪，絕對是刑事罪行，因騙徒刻意提供虛假資料，令別人受損及令自己得益，一經定罪，最高可被判監14年。《蘋果》記者