「富哥」雖然貴為國際巨星，但為人不拘小節，平日仲會搭地鐵，又會去街市買餸，唔少街坊見到佢，佢都會好友善同佢哋打招呼，難怪佢成名之後，負面新聞買少見少，富哥待人接物嘅態度真係好值得時下年輕一代嘅新星學習。富哥除咗好人之外，亦好好記性，佢幾年前試過坐飛機識咗一個機師，雖然佢哋萍水相逢，只係飛機上吹過吓水，但估唔到之後佢喺酒店重遇呢位機師，佢竟然仲記得對方個名，仲好關心問對方家飛邊條線，明明富哥咁鬼忙，但佢連呢啲咁細微嘅事都記喺心中，關仁真係抵佢紅足咁多年。Text by關仁