寄誠庸（圖）周五正式過檔史雲斯，雖然球會冇公開轉會費，但就承認打破咗佢哋嘅轉會費紀錄，據報應該係600萬鎊（約7 ,358萬港元）左右。如果呢個價錢屬實，寄誠庸亦會係南韓球員身價最高嘅一位，皆因朴智星當年由燕豪芬加盟曼聯，都唔過呢個數，所以呢位「南韓謝拉特」的確威水，好期待睇佢新球季嘅表現。