唔少荃灣街坊都十分後悔投咗票支持洗腦國民教育嘅新民黨田北辰，畀佢做咗愉景新城嘅區議員。為咗踢走保皇黨，光復荃灣，有荃灣業主仗義相助公民黨，借出荃灣街市街嘅兩個空置舖位門面，畀咗公民黨做大型廣告位。
呢兩個舖位於荃灣嘅心臟地帶，喺荃灣街市街嘅麥記隔籬。翻查資料，業主姓邱，兩個舖位90年代已經值成2,000萬元，家當然更值錢；地產經紀話每個舖位市值租金約40萬元。最近因為兩個舖位空置咗，業主又識得公民黨嘅人，所以借出舖面畀公民黨貼海報。公民黨仲貼咗公告出嚟話，業主獨家畀公民黨做宣傳，任何人損毀海報，送官究治。