爆乳模向來係宅男女神，不過最終可以私有化嘅只會係媾掂佢哋嘅另一半，34E嘅DaDa陳靜最近喺叫好叫座嘅電影《低俗喜劇》飛釘演出，力拼《喜愛夜蒲2》中倒奶嘅媽模Mia，不過鏡頭後佢哋都係男友嘅小鳥，有讀者爆料提供DaDa同Mia嘅拍拖相。
32C嘅Mia早前被影到夜店姣黐男伴，其實嗰個係佢舊愛Brian，佢唔係乜嘢ABC，只係喺英國倫敦RoyalHollowayUniversityofLondon讀書嘅留學生，同賭王千金何超蓮係朋友。
與前男友夜蒲
Brian同Mia兩年前拍過拖，不過已經分咗手，Brian都另結新歡，佢阿爸喺內地搞皮革廠，算係小康之家。Mia同Brian再見亦是朋友，近排放暑假，Brian返港咪約埋Mia敍舊。
Mia雖然喜愛夜蒲，但佢家對金融才俊男友S先生一條心，佢哋次次夜蒲都攬實好似連體嬰，據知佢哋拍拖年幾，S先生好低調，亦好支持Mia拍戲做模，年約30多歲嘅S先生仲愛屋及烏，錫埋Mia嘅仔女。
DaDa情侶裝覓食
DaDa自從飛甩王宗堯後，多數拍散拖，早前有傳佢搭上無綫藝人李雨陽，但佢哋未熱戀就玩完。日前素顏兼踢人字拖嘅DaDa同新仔情侶裝打邊爐，為防戀情曝光，身邊特登搵個女友人做掩護，似乎比熱情奔放嘅Mia更緊張形象。