雖然國足有唔少未紅先驕、自以為是嘅例子，不過都有默默耕耘嘅球員。好似23歲前鋒張呈棟（右），09年加盟葡乙嘅馬夫拉，好多強國球員都唔係咁願意去低組別踢波，不過佢就好識諗，起碼有得出國見識吓；上季佢外借至葡超嘅比拉馬，更加入咗6球，成為隊中神射手。張呈棟今季又被外借到德乙嘅布倫瑞克，以布倫瑞克開季兩連勝，如果佢最終幫到布軍升班，就真係夠晒巴閉。