飛腳必炒岡薩多
長追嘅紅鑽，喺今午直播戰作客到近期突然回勇嘅心跳，上仗平手盤博到佢哋贏鹿角嘅波友，不妨小注續追。但小弟今天對黃昏開波嘅飛腳迎「大魚腩」岡薩多，會望多兩眼；飛腳上仗作客狂炒鯨魚，似回來了，對手岡薩多近期成功兩爆大冷皆在主場，作客必定變蟲，[-1]配波膽4:1、5:1、[主其他]任買。
查仔朝氣勃勃
周中一注獨贏布力般得手，「現在台」繼續冇得睇英冠，據聞係goalTV（638同639台）冇買；蘇超同荷甲仲有，但小弟已覺好冇癮，鍾愛英冠，惟有續隔山買牛。下周中踢英聯盃，但翻查當中有6隊已在上圈出局，今天可全力在聯賽出擊；究竟喺盃仔係真輸定假輸，睇吓佢哋開季聯賽戰績已有端倪，今天會較留意兩主隊黑池同查爾頓；尤其係升班馬查仔朝氣勃勃，主場少讓侯城，博連捷！
小心些軍回塘
小注博冷，從不應手軟，博得冷門，隊波當然有缺點；喺蘇超，牛頭角順嫂都知死敵格流貶落丙組後，些路迪係今季必然冠軍，所以喺聯賽根本唔使心急。相反，些軍剛作客瑞典嘅歐聯附首回合贏兩粒就用咗真力，今日早場又要上恩華尼斯，牌面七三波；但懷疑些軍季初決心，加埋季初未fit，因住繼早前逼和羅斯郡後，再作客夢遊球場，冷吼恩軍[+1]。