曾經叱吒意甲嘅巴西前鋒阿祖安奴，沉迷聲色犬馬而搞到一沉不起，已經越踢越霉。30歲嘅阿祖今季終於有班落，母會法林明高都好幫手，畀張半年合約佢；阿祖（圖）仲語重心長咁講，今次係佢球員生涯嘅最後機會，仲話想回復狀態，幫巴西踢2014年世界盃。不過，睇過佢嘅新相，阿祖仍然肥腫難分，睇嚟要好好地接受地獄式減肥，先有翻身機會。