莫文蔚噚日戴住逾1,500萬嘅鑽飾珠寶做預覽會嘉賓，早前俾的士撞到，臀部要放瘀血嘅莫文蔚透露傷勢未好番：「早排放多一次瘀血，因為入面仲有傷口，今次喺屋企休息咗三日，做咗啲平時少做嘅嘢。」係咪同老公造人？莫文蔚就笑晒口咁話：「點造呀？老公喺英國。」對舊愛馮德倫同舒淇同遊日本，莫文蔚話都係睇報紙知，間中會同馮德倫聯絡！
