29歲宅男女神賈曉晨（JJ）搭上育有一對子女的樊少皇，雖然樊少皇聲稱與孩子母親在四年前己分手，但昨日有讀者爆料，指去年一家四口仍開開心心去睇戲，似乎有人為箍煲逼住講大話。JJ昨日出席劇集宣傳活動時一臉愁容，更揚言深愛對方，情緒隨時崩潰。
樊少皇為維護新歡JJ，早前在微博發聲明與孩子母親劃清界線，自言在四年前已與對方分開，雙方沒有感情瓜葛。然而昨日卻有讀者爆料，指樊少皇與樊太及一對子女一直生活得好開心，經常到黃埔戲院睇戲，去年還一家四口看《最強囍事2011》；讀者又提供了一些樊太與囡囡的照片，還有樊少皇兒子舉起V字手勢，從相片中看到他們笑意洋溢，生活得很愉快。
情傷三女碰頭
JJ昨日在深水埗為今晚一連播映兩集大結局的《怒火街頭2》宣傳，與她同時飽受情傷的胡杏兒及苟芸慧都有出席；被爆做小三的JJ無晒心機，她直言自己已心力交瘁，沒有心情留意其他人新聞。她表示人生中第一次跟有太太和仔女的男人交往，問到現在是否很愛樊少皇？她直認不諱說：「唉，我唔愛就唔會咁辛苦！咁掙扎！拍拖梗係想有將來，唔係見一日過一日。」她表示沒有想過要名份，坦言現在是雙方的冷靜期，但仍與樊少皇每日通電話互相安慰，並替對方講好話：「佢都好大壓力，對佢嚟講都係傷口，我冇見過佢啲仔女，呢啲留畀佢交代，總之佢冇呃過我，過咗咁耐都應該要包容。」
讚苟姑娘純情
杏兒上月亦剛失戀，幸好很快便重新振作，昨日她更堅強地以過來人身份安慰JJ，問三人是否同病相憐？杏兒說：「咁啱啫，佢哋之前都好撐我，作為朋友有安慰佢哋。」杏兒表示不認識樊少皇，認為感情事難以控制；對於苟姑娘哭崩人前，杏兒說：「佢覺得好委屈，佢係一個好乖嘅女仔，同鍾嘉欣一樣純過蒸餾水。」另外，苟姑娘表示已番媽咪，難怪昨日不時現歡顏，她透露十月底會買機票畀媽咪來港，監察她的生活。
採訪：文國駿
攝影：陳慧安、李志明
