1）阿伯，你邊位呀？
（答案請在內文找）
荷李活嘅特技化妝堪稱鬼斧神功，改頭換面能力勁過faceoff。呢位皺晒眉頭、頭髮成幅向後夾嘅男星，前日喺片場着住晨褸戴埋金鏈，上面塊金牌仲搶過八両金，到底扮緊同志音樂人嘅佢係邊位？咪就係金像影帝米高德格拉斯囉。
2）邊位股罅要唞氣？
（答案請在內文找）
呢位女歌手前日喺倫敦落車返公司，本來最擔心係着背心會走光，點知反而下半身出事，佢條低腰褲越跣越落，搞到大大條股罅跑出嚟唞氣，累人要洗眼。邊位咁論盡？咪係辣妹GeriHalliwell囉。
3）優質姐弟係乜水？
（答案請在內文找）
呢對姐弟有優良DNA，細佬仲天生女仔樣。佢哋大個後入咗娛樂圈搵銀，家姐拍過韓劇《IRIS》同《我的公主》，拍檔唔係李秉憲就係宋承憲，細佬就喺《吞沒太陽》入面演過有錢仔。開估，佢哋係金泰希同李莞（真名：金亨洙）呀！