草蜢蔡一智嘅老婆周雪芳上個月幫阿智生咗第二個囡囡之後，坐完月就急不及待出嚟活動。前日又見到佢素顏出現喺屋企附近跑馬地一檔生果店買水果。仲未收身嘅智嫂由司機送到門口，一入到去就買咗好多車厘子、蘋果，最後仲揀咗一個大蜜瓜。佢似乎好響應政府呼籲食多啲生果，而且仲好環保，買完之後仲喺車度攞咗個籃出嚟裝嘢。