由細到大都好恨有一個叮噹百寶袋，貪佢乜法寶都有。可惜，呢個世界並無免費午餐，想達成願望，非要靠實力不可。無百寶袋都唔緊要，屋企擺番個百寶箱，有型又夠實淨，大大件乜都放得落去，擺埋自己落去都仲得！加上無限變奏，又可以成為多用途嘅桌子或茶几，絕對係一物多用！
平蓋箱由ＬＶ先玩
最早出現嘅行李箱，可遠追溯至中世紀時代，當時的旅行箱主要係比人盛載禽畜之用，材料則普遍利用木材和金屬。到了十七至十八世紀，行李箱多以黃銅作圓頂的款式，外面一層皮革如牛皮包裹，作保護和裝飾之用；那時候都是馬車旅遊盛行的年代，旅遊多數都係貴族或上流社會嘅活動。
到十九世紀，行李箱開始革命性嘅演化！堪稱最早開始設計及製作平頂旅行箱嘅品牌，就係為人所熟悉嘅法國貴族名牌LouisVuitton。話說當時ＬＶ創辦人的工作，是替貴族們旅遊時收拾行李，他發現圓頂設計嘅皮箱，在行李堆叠上很不方便，於是索性設計一個平頂行李箱，咁樣就可以方便收納，無論係馬車抑或火車，在行進時也不易跌落地。
隨着汽車和航空時代嘅來臨，旅遊也不再係貴族嘅活動，而明星效應亦幫助帶動手提式行李箱嘅流行。到了今時今日，這些行李箱也發展至不同用途，除咗用來放儲藏衣物外，更可以用來當酒櫃或書櫃，加埋車轆嘅話又可以輕易推動，十分方便；咁大件又實用，你話唔係百寶箱？咁係咩先？
君子×indigo復古貴族感
老實講，唔理你有幾喜歡飲酒或收藏紅酒；屋企細嘅話，點都擺唔落成個人咁高嘅酒櫃。但需知道作為一個真男人，對自己喜愛嘅事物絕對應該有要求。所以喺「君子×indigo」系列入面嘅行李箱設計，以多功能為大前提，配備優雅復古嘅黑色鏡面、不銹鋼金屬或牛皮物料，希望借着用料同功能上嘅細心，來滿足男士對獨一無二嘅追求。秉承君子雜誌自1933年創刊以來，對追求品味、時尚同歷練嘅象徵。行李箱出名夠大擺乜都得，家仲變革玩埋多功能家具用途，外形又有格調，真係點擺都唔嬲！
1.ManhattanBarTrunk
酒櫃有成五呎幾高，內藏極多格數！保守估計酒櫃至少能夠擺放50支酒，酒杯10至20隻；名副其實專係為嗜杯中物嘅人士而設。而設計師認為君子擁有如工匠般嘅匠心，所以他們值得擁有一個這麼優雅嘅地方去收藏自己的瑰寶。
2.BaronSideTblTrunk
君子系列所出的產品，雖然是在國內人手加工，但物料全都來自歐洲；品質點都有信心啲！系列風格偏向復古，所以名字方面都用了復古名稱；例如這個多功能行李箱，以Baron命名，中文解釋是男爵，係英國貴族最入門級嘅爵位。
3.ManhattanS/BarTrunk
屋企無咁大，但又想收藏心愛嘅酒？呢個不銹鋼鏡面外殼設計嘅小型酒櫃就一定適合你！鏡面令人唔會有空間壓迫感；如果唔擺酒，擺其他嘢一樣得！
4.RobRoyStorage
都話君子喜歡復古，呢個儲物櫃名叫RobRoy，其實是一名蘇格蘭海盜，原命RobertMacgregor（1671-1734）；而RobRoy也是雞尾酒的名字，是一種用蘇格蘭的威士忌酒、甜的苦艾酒及苦酒混合而成的混合酒。
a.indigoliving（25550540）
b.TREE （28701582）
樂器箱變家具
覺得黑沉沉太男人味？想屋企色調清新得嚟又有點原始風味？可考慮TREE嘅RoadieCollection。
設計靈感來自搖滾巡迴演唱會中，專業音樂人擺放樂器嘅「樂器箱」；自問結他湊大嘅你，或經常出入各地地下音樂會嘅你，一聽到Roadie呢個字，有無一份親切感？若果再加上100%森林監察委員會認證（FSC）認可嘅柚木製造，以及充滿金屬味道嘅鋁製外邊包圍，呢種粗獷原始風味，相信好啱依然充滿搖滾精神嘅你。
小記認為一場演唱會中，呢班場地調音員或樂隊工作人員實在功不可沒，能夠以Roadie作為品牌系列嘅靈感同名字，相信設計師也是對這班低調又重要嘅人員作一致敬！
