錢嘉樂雙喜臨門，他昨日宣傳新劇《巴不得媽媽》時，開心得滿場飛。對於未來老婆湯盈盈懷孕，嘉樂全程避談，卻又忍不住借劇中角色已為人父，來自認做了爸爸。他又透露暫定11月擺酒，正等高人擇日。
無綫新劇《巴不得媽媽》中，錢嘉樂和岑麗香生了一個六歲囝囝，昨日一班演員在葵芳新都會廣場宣傳，錢嘉樂借劇中兒子，來宣佈已為人父，他在台上說：「我係做老竇嘅，喺劇中。」在旁的汪明荃即刻送上恭喜，其他人一齊起哄。
最少50圍
本來計劃明年結婚的錢嘉樂和湯盈盈，突然趕着11月結婚擺酒，錢嘉樂四萬咁口接受所有祝福，被問到是否雙喜臨門，他笑說：「下次，係時機先講，宣佈結婚先，暫定11月擺，等高人擇日，其他交晒畀Toby（梁靖琪），我又忙拍戲，佢又要拍劇。」之後再被追問盈盈是不是有BB，嘉樂說：「自己冇得講大話，又唔想講大話，大家畀啲空間我哋。」
本來打算在小島結婚，如今在香港擺酒，嘉樂笑說：「都好急，係我衰，睇完醫院報告等唔切，家香港擺，主要係同屋企人長輩交代，計過最少50圍。」早前做姊妹時，盈盈留下不少仇口，嘉樂笑說：「佢罪有應得，我甘心情願幫佢頂。」
劇中飾演嘉樂岳母的汪明荃說：「佢都係時候喇，不過聽到佢要結婚，突然覺得佢好穩重，成熟咗，我相信佢會係好爸爸。」她又讚嘉樂是負責任的男人：「佢每一段感情都好投入，唔會玩玩吓。」
採訪：楊潔雯
攝影：黃文偉