生活忙碌，好多人放假都會走去親親大自然！如果係狂熱分子，在窗旁種上花花草草更是走唔甩！書枱、櫃面已經出現雜物超載？無問題，今日就教大家DIY植物掛畫，謹記！係鮮花嗰隻、記得要定時淋水喎！
記者：胡靜雯
攝影：林栢鈞、譚盈傑
模特兒：Peggy&Ava@PureModels
多肉植物 家居易種
好多人認為，種植物同懶人永遠係一個死亡組合！原來只要挑選一些較容易種嘅多肉植物，即使忘記淋水或施肥，你一樣可以擁有綠色家居。
「多肉」嘅意思，其實是指植物營養器官如莖、葉或根等，均具有發達的薄壁組織用來貯藏水份，在外形上會顯得肥厚多汁（例如今次選的石蓮及仙人掌）；它們之所以容易種植，是因為能儲存水份，對抗「人為」的乾旱環境。多肉植物最常在非洲、中亞及南北美洲出現，雖然它們沒有鮮花嘅美艷，但賣相奇特，十分有「個人風格」，所以小記認為即使男人老狗去種，都一樣有型夠潮！
但要注意！種植多肉植物，不一定是越熱越好，也避免過量嘅施肥澆水；謹記溫暖的陽光，保持清爽凉快便能令它們健康生長。
油麻地花王教整「花畫」
近年認識很多人都喜歡自己DIY（Doityourself），上至皮革、裝飾，下至衫褲鞋襪，你都咪話唔佩服佢哋嘅認真同熱誠；而擁有油麻地花王之稱嘅Vangi，亦都係熱心手作人，崇尚綠色生活嘅佢，今日就教我地用畫框種花，原來親親大自然係屋企一樣可以。
材料工具：
多肉植物數顆、剪刀、牙鉗、釘槍、小畫框、塑膠膜、紙鐵線、水苔、紗網
a. 紅芝玉
b. 翠蓮
c. 觀音蓮
d. 紅球仙人掌
e. 玫瑰石蓮
f. 黃球仙人掌
Steps
天台露台 方便花盆
近年力主都市人體驗簡便有趣農耕嘅EasyOrganicFarming，負責人Mawin就話，如果家有天台，就千萬不要浪費：「嘗試種植可令室溫減低3-5℃，也可令二氧化硫排放量大減五成，減少冷氣使用量之餘又環保；現在不論商場、學校及大企業，都會推廣有機耕種活動畀員工，可借此減排之餘，更可幫員工減壓！」
以前細個啲教科書一講到耕田，就會見到一個農夫彎腰插秧嘅圖畫。原來今時今日想喺屋企天台耕田、種花，都有好多不同種類嘅花盆。Mawin解釋不同的家居環境，應配合不同比例和設計嘅種植方式；右邊幾種就係近年最受歡迎種植方法；只係幾塊木板或一個籬笆嘅DIY，好簡單！
新手推介
家中香草
如果新手上場想試吓種嘢滋味，以下都有一些深受歡迎嘅有機植物供你選擇；Mawin話不要比「有機」兩個字嚇親，其實種植不外乎心機、陽光同時間，即使小小嘅盆栽，都可以種出味道芬芳嘅綠葉。
馬齒莧：
適合環境較潮濕溫暖的地方下生長，春天是最佳季節。馬齒莧屬於中藥，含豐富的脂肪酸，對降低心血管病的發生有很好幫助。
羅勒：
適宜在夏季生長，擁有芳香的丁香味，葉子除了能作烹調之用外，更有驅蚊作用。
