西甲今季開鑼前，已經問題一籮籮，為咗就電視轉播，竟然將啲波有咁夜推咁夜；好啦，終於搞出一鑊泡喇！西班牙傳媒周一爆料，剛踢完嘅西甲首輪（圖），門票只係出售咗6成，比上季少咗差唔多一成。其實，西班牙近年國內經濟低迷，失業率高企，球迷想入場睇波，都真係要睇過度過先；今次賽會見錢開眼，唔顧球迷感受，入座率低絕對係自食其果！