現年45歲嘅張敏03年開始淡出香港娛樂圈後，佢嘅行蹤都幾神秘，有傳聞話佢退出娛樂圈，已經嫁人喺內地過平凡人生活，以前可以搵到佢嘅電話號碼都全部改晒，一直冇人搵到佢，基本上佢同以前喺香港經常來往嘅朋友，都話好耐冇佢消息，對佢嘅近況可謂一無所知。
搞美容生意
不過日前張敏被發現現身北京某高檔公寓門口，同行仲有一名男子，張敏染咗一頭紅色短髮、着住件白色襯衫、水墨色牛仔褲同小背心，手裏拎住個白色HermèsBirkin手袋，貴氣十足。雖然張敏離開咗香港娛樂圈好多年，但見佢都冇乜大變化，保養都算唔錯。聽講佢家長居北京，幾乎冇再做幕前演出，同朋友經營美容生意，生活無憂，佢享受做一個普通人，所以喺北京生活一直都好低調，就算有人搵佢拍劇同電影，佢都冇答應演出。
撰文：葉雪