林敏驄前晚到尖沙嘴擔任餐廳開幕嘅嘉賓，今次間餐廳同化妝學校出書，阿驄都有幫佢哋影一輯相，佢形容個黐鬚look造型似足「菩你老祖」喎。對於前妻陳伶俐早前被拍得疑有孕嘅新相，阿驄就似乎唔多想講，仲反問：「咁犀利呀？」林敏驄避忌話呢排都冇乜聯絡陳伶俐，又講笑話家排緊期陪兩個仔，因為照顧囝囝嘅責任一向都係落喺前妻度。