馬德鐘同宣萱等主演嘅劇集《飛虎》，一直都喺周六、日晚播出，收視仲唔錯，破咗呢個時段收視低迷嘅慣例。《飛虎》結局後，無綫未安排另一套新劇播出，上周六就播咗《勁歌金曲優秀選第二回》（圖），雖然當晚有林峯、容祖兒同蔡卓妍等歌星助陣，但係平均收視只得12點（77萬），比起《飛虎》平均有30幾點真係差天共地，成績真係令人失望。