喀麥隆中場桑治（左）周日正式加盟西甲班霸巴塞隆拿，新東家就同佢做咗個訪問，當然係講埋啲老土嘢啦，又話巴塞無敵，又話自己會畀心機踢波等。至於點解加盟，呢位前槍手就話，法比加斯（右）係原因喎；事關二人老友鬼鬼，桑治到西班牙嗰晚，仲酒店都唔住，去咗法比仔屋企過夜，而喺當晚友賽森多利亞場波，賽前桑治仲着晒成套波衫，同球迷見面。