丹麥國腳前鋒賓特拿（圖）對兵工廠嚟講已變咗多餘物資，故領隊雲格一直想踢走佢。聽講雲格就想用賓仔嚟換AC米蘭嘅30歲法國國腳中堅麥薩斯，聽落阿仙奴好似好着數，但我求大俠就唔係咁諗。麥薩斯17歲喺歐塞爾出道時，被認為係法國超新星，但講質素，佢唔好得過阿仙奴嘅大後備史基拿斯好多，又唔夠哥斯尼（26歲）咁後生，所以分分鐘係另一件水貨。另外，啱啱喺貝盧斯科尼盃以2:3輸畀祖雲達斯嘅AC米蘭，如無意外會前鋒換前鋒，用卡斯辛奴交換國際米蘭嘅柏仙尼。查實AC賣咗伊巴謙莫域同堤亞高施畀巴黎聖日耳門後，套現6,500萬歐元（約6.2億港元），使唔使咁慳？