陳雅倫肯定是當年不少人的性感偶像，假如當時已有高登，必成為女神無疑。她出身85年第四屆新秀歌唱大賽，不少同場對手到現在都是獨當一面的歌手如李克勤，當年主持是今日的影帝梁朝偉，識於微時合作的對手就有天王黎明。群星拱照曾經歌影視三棲，陳雅倫認為今日無慾無求，唯一宗旨不變是永遠以最靚一面見人。 撰文：何永寧
自言表演慾旺盛的陳雅倫（Ellen）好像在香港消失了一段日子，不過她強調從沒有放棄過香港市場，最近就拍了王晶的電影《絕色武器》，之前跟黃秋生合作過《光輝歲月》及熊欣欣導演的電影，合作的都是香港藝人。
參加新秀入行
當年在學校時Ellen已經是風頭躉，朗誦、歌唱比賽都有參與，反而18歲報名參加新秀大賽，只是陪朋友的無心插柳，最終只有Ellen入到決賽，朋友早早被淘汰出局。當時決賽Ellen唱的是林珊珊的《戀愛預告》，對手有李克勤、蘇永康、周慧敏等唱得之人，高手林立輸已經是定數，但開心的是可以有哥哥張國榮及黎小田擔任評判，連大賽的主持都是今日影帝級的梁朝偉，她說：「我哋成日都話嗰屆係最有實力一屆，好多人今日仲喺呢個圈。比賽前成班人好開心，競逐嘅氣氛唔強，友情仲keep得好好。」
唔選擇做模
Ellen之後簽了華星開始歌影視三棲，先後出了兩隻唱片《隨便坐》跟《蜜糖兒》，第一部電視劇是無綫的《小島風雲》，一入行就要扮演陳玉蓮的女保鑣，少說話的角色感覺非常冷艷，不少觀眾看過都驚為天人，她說：「之後仲拍過幾套劇，同大碧姐鄧碧雲合作過，之後又做過梁朝偉女朋友，黎明都合作過拍劇，大家都係華星出身，最深印象係《城市故事》做溫兆倫女朋友，嗰時套劇好受歡迎。後來當時華星嘅經理人李進就安排咗我去拍戲，《龍鳳茶樓》、《霸王花》好多內地觀眾家都記得。」
在電影上的性感打扮，令Ellen成為當時不少男性的女神，假如當日有高登討論區，有理由相信Ellen必定跟高登仔至愛的沈卓盈及鄧紫棋（G.E.M.）等平起平坐。又假如已經流行模，以陳雅倫的天賦肯定是當紅的一員，不過Ellen話就算重頭開始都不會選擇做模，她說：「我唔介意人哋話我性感，都係一個好難得嘅成就同象徵，幾多人想做性感偶像都唔得。不過模就唔好喇，我港姐都唔敢去選啦，做模更加唔得，你見家啲模咁搏，以前性感少少已經可以，家唔同晒。」
趁青春影寫真
對於工作要求Ellen希望除了選擇合適的角色，靚亦很重要，當藝人就是要將最好的表現在觀眾面前，所以當年毅然拍寫真集都是希望趁青春留倩影，Ellen笑說：「當時搵咗葉青霖去西班牙影相，劉培基睇完都話好靚，晶哥仲話我嘅靚係有殺傷性，當時無論線條同身形真係好好。」
靚到有殺傷性，對有妻室的男藝人更是威脅，同場拍戲很易拍出愛火，但Ellen表示將愛情跟工作分得很清楚，她說：「同圈中人拍拖好複雜，特別係工作期間，我搵男朋友會揀圈外人。唔好睇我外形野性同sexy，其實我都好宅女，唔鍾意蒲同應酬，我揀男朋友要好穩重同可以令我服嘅男性，權威好緊要，要head到我。」
Ellen表示之前多了時間在內地剪綵登台，現在希望多點時間再拍電影，她笑言假如可以拍得靚，就算幾多歲都希望可以留在幕前演出。
攝影：仇志德
髮型：KiteShekofHairCulture
化妝：KennisLee