【本報訊】尚在保釣船「啟豐二號」上的長洲漁民張金滿與兩名兒子張偉強、張偉民，已致電回家報平安。張金滿的太太梁十妹回憶當日追看電視，得悉丈夫跟兒子能登島直言好驕傲，「好豪氣咁，睇住電視，咪咪嘴咁笑咗出嚟呀！」
滿嫂與滿叔育有四名子女，漁民出身的滿叔是次任大偈，「估唔到佢咁勇，以為佢出去係影吓相，初初都擔心」。但滿嫂直言不想滿叔再去釣魚台，「唔係次次都咁成功，好危險，拎條命博」。她又說，待三父子歸來，要問問滿叔：「點解咁『論盡』，一出海就跌晒食物落海。」
另一名保釣勇士盧松昌昨日說，返抵香港後如常過活，「平時生日都無乜特別慶祝」。他說，昨日主要接受傳媒訪問，街坊、朋友亦有主動打招呼或致電「表示吓」，「冇乜特別，冇乜意外發生，都好開心㗎啦！」他說，有機會都想再去釣魚台。