賀芬咸（藍衫）真羞家，竟然喺周六德國盃作客大敗俾丁組嘅柏林人0:4出局，真係估都估唔到，好彩足智彩冇開呢場波賭，否則隨時輸死人。其實，賀芬咸以前一向都穩穩陣陣，對弱旅好少輸到咁大鑊，搞到啱啱由拜仁外借過嚟嘅宇佐美貴史，都好不滿一班隊友踢得咁差：「我哋成班人都踢到冇晒鬥心，真係要吸取呢場波嘅教訓，後防唔好再犯錯！」