姬蒂荷姆絲自從飛甩老公湯告魯斯後，就日日同金叵羅Suri四圍去，噚日姬蒂就帶咗寶貝女去紐約單車公園學踩單車，悉心打扮嘅Suri踩住架粉紅色單車，媽媽就一路扶住佢。雖然Suri有戴頭盔夠晒安全，但佢竟然着住裙仔同皮鞋，成身打扮錯晒。可能對得多，兩母女嘅動作相當一致。不過，Suri踩咗一陣就開始扁嘴唔想踩，又對住狗仔隊藐嘴，結果咪又係阿媽番！