「電人」做到今時今日都可算無慾無求，有個靚老婆，中、外嘅獎都攞過，拍戲都可以當係一種享受，不過收成300萬美金一部戲畀邊個都開心啦。電人一向好自我，除咗拍御用導演「黑超特警」嘅戲之外，佢都有拍好多其他導演嘅戲，不過除咗黑超特警之外，佢一向都唔係點肯去做宣傳。點知近日嗰套新戲《乞米》，電人一反常態周圍走去宣傳，又上電視、報紙，同佢過往作風好唔同，原來聽番電人嘅身邊人講，電人睇完試片之後都覺得套戲唔係好掂，自己花咗咁多心機都唔想套戲衰，所以希望憑自己嘅魅力可以令多啲人入場，佢都算用心良苦。
撰文：關仁