無綫前晚舉行勁歌優秀選，搵了復出開騷的葉蒨文（沙麗）做嘉賓，對於沒有四大唱片歌手攞獎，沙麗都覺得場面沒以前星光熠熠，更對老公林子祥和繼子林德信是環球歌手，通通冇得上無綫，驚叫：「Toobad！」
無綫《2012勁歌金曲優秀選第二回》前晚在電視城舉行，一如本報日前獨家披露，因四大歌手跟無綫未解決合約問題，賽果是跟無綫友好的英皇天下，容祖兒、古巨基、林峯、鄭嘉穎、蔡卓妍、泳兒和林欣彤全部有獎；至於星煥國際傳因揸弗人何哲圖和無綫高層余詠珊是夫妻，旗下歌手江若琳、農夫和吳若希也分得一杯羮；五大唱片只有bma願意跟無綫簽約，故GinLee破冰捧獎。
知剛晶婚期
由於前晚沒有環球、華納、SONYMUSIC和EMI四大歌手撐場，無綫惟有找復出的葉蒨文充撐場面，八年沒上《勁歌》的沙麗帶埋老竇現身，她笑說：「爹哋問點解去咁遠做嘢。」問沙麗會否覺得現在不像以前般星光熠熠？沙麗說：「係呀，人少咗好多。」對於老公林子祥和繼子林德信屬環球歌手冇得上無綫，沙麗驚叫：「Toobad！其實歌手都想上電視，我都唔知發生乜事，好複雜。」提到奧運金牌選手將來港演出，愛羽毛球的沙麗希望跟選手打波。對於好友朱玲玲娶新抱，沙麗坦言知道霍啟剛和郭晶晶的婚期，卻被好友下令封嘴：「唔講得，佢叫我講嘢執生。」
前日是古巨基40歲生日，祖兒祝壽星仔鞭鞭有力，基仔卻扮儍說：「邊一邊先？」會否祝祖兒男友劉浩龍也鞭鞭有力？基仔即攬上身說：「唔好搞佢，搞我啦。」問緋聞女友Lorraine怎跟他慶祝？他避忌說：「佢係幫我慶祝最多生日嘅人，朋友個個同我慶祝，佢都有出席。」
蔡卓妍（阿Sa）憑《明明》獲金曲，幸演唱時再沒走音。對於男友陳偉霆稱被林峯電眼電親，懷疑自己是雙性戀，她笑說：「好勁，男女通殺，好在我都唔弱有反電裝置。」bma歌手GinLee坦言已跟無綫簽約，遲些會幫無綫拍綜藝節目。
採訪：王崇穎
攝影：仇志德