港人在成長路途上或許冇Say，由中小學以至大學選科，到出來社會做哪一行，特首更加冇得選，種種不滿驅使他們尋求物質彌補，總希望多些選擇，如長青的放題和自助餐、百隻叮噹的購物城，還有160個震波的A&F，食唔晒影唔晒唔緊要，最緊要有得揀。
連剛登陸的品牌都深明選擇的重要性，為何政府遲遲未發電視牌照？上周有報道指奧運後發牌更難，有反對聲音廢噏，話擔心發新牌令競爭白熱化，損害行業發展。加入競爭是大趨勢，台灣有5家免費台和60幾個收費台，新加坡也有20多條數碼頻道，大陸更有超過3000條電視頻道，除開都多過香港。
情況有如員工爛泥扶唔上壁，老闆擔心競爭太大，為了保住佢份工，荒謬到唔炒佢兼唔加人手！有次看TVB（電視廣播，511）的古裝劇，本應誘人發笑的劇情，反而令人失笑，沒有千軍萬馬都算，外景假到似RPG遊戲。人家說慈母多敗兒，Samantha只看到偽善的政府和不思進取的電視台。
Samantha
本欄逢周一、三、五刊出