甘草演員司馬華龍（原名曾順釗）上月逝世，昨日在紅磡世界殯儀館舉行喪禮，以基督教儀式進行，演藝人協會代表丁羽及黃韻材親往弔唁。前日司馬華龍設靈，丁羽瞻仰遺容後曾一度痛哭，昨日他的心情已平復，而整個葬禮沒有太多儀式，司馬華龍的家人亦表現平靜。
黃韻材表示和司馬華龍合作拍過多部電視劇，他說：「以前喺亞視時有合作拍劇，咁多年嚟佢都好照顧我哋一班後輩。聽佢講好多故事，佢好開懷樂觀，所以同佢合作好輕鬆。演藝人協會每年都有搞聚會，每次見面都會問候吓。呢幾年佢行動唔太方便，但都有鼓勵佢多啲出嚟走動。老一輩藝人聚頭機會已經唔多，希望我哋可以多啲關注長輩藝人生活。我對司馬叔離開冇太大傷感，因為每個人都會離開，大家只係暫別，終有一天會相聚。」
採訪、攝影：魯萍